Eyenetha sa xomata's, t'omatem se'sen aniksa
Ethelena n'epomena se'sen ama uc eporesa
Uc eporesa na xortazo se chorio'm
Uc eporesa xorio'm
Ethelena n'exortaza to peksimo sa dromes epances
Na pino to neros, ne pero ton aeras
Ta kriftareas t'ekrifgumunest eyces
Mikros exorisane me ap'esen, uc eporesa xorio'm
Uc eporesa xorio'm
Ethelena n'etrexa epan sa parxares, t'uc evriskuntan alo puthen
Ethelena n'opsareva sa trana ta potames, to kativenun asa rashias
Uc eporesa xorio'm
Ethelena n'ecimumun s'oros, sa kafule apes
N'aplumun sa fila epan ce ne terena son aera
N'elepa ta puligas pos eghapun tenan talo sa ti petun
N'efina eligho to skini ce ne xalerumun
Ne ghlitona as'arabadhes
As'anthropus to klothoyrighuntan oloyeram
Asa pola ta laliyas, to fuskonun to cefalim
Ethelena ne cimumun osso ethelenen ipshim
Ama uc eporesa xorio'm
Uc eporesa xorio'm
Uc eporesa, exorisane me ap'esen
Istaro etranina ama uc eporesa na kloskom opis
Efigha ce epigha sa makra, sa pola makra
Hatoson pu uc eporo na ftano se'sen xorio'm
U poro xorio'm
I omorfiyas epominen so tsimidhim apes
Ontan erse sachilim fitefgundan ta maliyam
Erxuntan s'omatem empro t'ormias, ta potames, ta parxares
Ta tezias, t'alates, ta kafule pu aghapighuntan epuga i sevdalidhes
Ulla osa eshis xorio'm
Erxuntane s'axilim, ghomuntane to'matem ce thelo na klegho
Ta dekrem mono t'omatotsatsem eporun ce vrechun
I kardhiam tsuyiz
Uc eporo na klegho oson thelo egho
U thelo nelepune ce na yelune me xorio'm
U thelo xorio'm
Uc' eksero an, n'eporo ce erxom kamia
N'eporo ce dhevazo t'echo tin gharibiya
Ama enan na leghose m'anespalisa
Panta n'aghapo se, na exo se apes sin kardhiam
Panta na'xose s'axilim, uce n'anespalo se xorio'm
Uce n'anespalo se xorio'm

VAHIT TURSUN