Acap piyos gramenos, en seso to katseti
Omon xamantzika stec, ato teso to miti

O prosopos to eshis, omon fengos lampero
Ekarfosa t'omatem, c'ulo sa hato tero

Son kaynena uc ida, omon tesa t'omate
Op'elep i kardiyat, kopete sa komate

Ta vrisiles kocina, omon pal kocimpela
Hata ferun s'anthropi to cofali ton pela

Empros pal omon mustas, tesa pal ta viziya
Pastan u fanerute, nto eshis i ciliya

Asa mesas legnesa, eksu pal ta meriyas
Aso kalubi ksevan e patsi ta mushiyas

Ego oso na lego, kaynis pal uc egrikay
Opiyos elepise, tin glossanat pal kurtay

VAHIT TURSUN