Entama emunest,
Entama kahununes s' enan ceka
Si skotiya apes tsi nixtas
Kahumunest sa gonatamuna epan
S' enan trano dhentro epuka

Entama emunest,
T' omorfo o prosopos elampen
T' omates tsaragoyizan olo katena
Apes merika s' ecino tin nichta
Katu ason fenko nte tsrampulizen

Entama emunest,
O anemos ta maliyas e karmanizen
Ta sheres demena sin enkales xuxuva
Karfoses t'omates ce eterenes sa makra
Epuka asa fila, anemos nte petarizen

Entama emunest,
Estecen o anemos ce t' omorfa ta maliyas
Inusan omon ecina ta potame ce t' ormiya
Asa trana ta rashiya nte kativenan
Les ki ecina kremantaligusan s' omiyas

Entama emunest,
Eskothes ghale ghale ortha c'emen tereses
Eklostes empros c' eseves so dhromo
Edheves ce piyes prin ipene tipo
Olon shur, alo opisas pa uc etereses

VAHIT TURSUN