Ta tope to exume so xorio ine polla. Ada ceka as metrenume oso erxuntan so numuna.

1. Ospiti.
S'ospiti exume saloni, ipnodomatio (yatak odasi), domatio episkepti (musafir odasi), to xayeti, to tuvaleti, to sakonari, to sarpi, to kseranteri, to tavani t'epan, to mantri, to komi.
Eksu ce so spiti oloyera exume tin tufa, to xali ce tin avlea.
makra aso spiti exume to kalivi ya n'erezume ta muxtera ya na min trogune to ecina nt'espiram. Kserantere ce kome.

2. Mazirades
Ine to meros so opio pame prin egvenume son parxari. Olon empro pame sa mazirades ce istaro pame son parxari. Ta mazirades legunata ce Patsixa.

3. Parxare, Staliya
Ta parxare ine t'olon omorfa ta mere so xorio nto exume. Ine epan sa rashiya ce eci stekume tria minas me ta za entama.

4. Ceyire
Ta ceyire ine nto ferune kala xortare ce koftum ce fayizume ta za.

5. Xorafe
Ta xorafe ine ecina nto spreume ce therizume.

6. Tumpi
To tumpi en olon to katu tu xorafi.

7. Aposkali
To aposkali en to meros nt'anizume s'oros ya na intan eci xortare ce koftum ce fayizume ta za.

8. Komaroti
Komaroti legume to meros pu intan eci polla komare.

9. Axantoti
Axantoti legume to meros nto en gomato me ta axante.

10. Spentamoti
Spentamoti en to meros nto en gomato me ta spentame.

11. Kampe
Ta kampe ine to meros nto en isa (duzi)

12. Kafuloti
Kafuloti legume to meros nto esh polla kafule.

13. Kusutoti
Kusutoti legume to meros nto en gomato me ta kusute.

14. Kopronari
Avuto pal leguma eci pu pame kupizume ta kopre.

15. Rakani
To Rakani en to meros nto yirizis ce alo u faneruse, en to miti tu rashi.

16. Xameleta
i xameleta en o topos nt'alethume ta kociya ce eftemata alevre.

17. Gurni
to gurni en ecino nto kovaliy to nero sin xameleta ya na kloskuntane tsi xameletas ta ftera.

18. Xalevoti
Xalevoti legume eci pu ine polla xaleve ce lithare.

19. Kriftarea
Kriftarea legume to meros pu krifkumest ontan pezume kriftarea ce to meros pu krivume kati nt'uci thelume n'elepuna i ali.

20. Xargi
To xargi en ecino nto kovaliy to nero so ceyiri ce so xorafi as'ormi.

21. Guyi
To guyi en ena trano tripi nto anizume sin yi.

22. Proskefali
I proskefali en t'epahen to meros tu xorafi.

23. Poda
I poda en to katu to meros tu xorafi.

24. Panthi
To panthi en apes so mantri eci pu trogune ta za.

Omon t'elepite adaceka egrapsa manaxo ata nt'erthane so num. Eksero oti ine c'ala polla ta tope to onemazume ama ada ceka atoson ftan. An eshite so nusuna kati aletero, grapsitemasina me to mail ce as grafuma ada ceka.