Ta probleme tu xoriyu

I Ocena esh polla propleme. Ipame oti en sa rashia apes xtizmeno ce ya t'ato eligha xorafe esh. Sa xorafe to esh pal polla tipo uc inete. Ep'ecina nt'efteme ine ta Laxana, ta Tsupadhe, Fasulikas, Yaralmasia, eligha Marule ce Pipere. Asa Fruta (meyvedhes) intane Mila, Apidhe, Karidhe, eligha Liftokare, Kocimpela, eligha Mavra stafile, Pempelidhe, eligha Dhrafina c.a. Ya t'ato sin Ocena o kosmos (ta insane) ullo eghvenun sin ksenitia (so kurpeti) ya na kerdhizun (na kazanevun) xrimata ce erxuntan so xorio troghune. I pio polli ya t'avuto to provlima (problemi) efighan ce epighan s'alla ta mereas tsi Turkies. Ena aletero ce trano porvlima en o dhromos. O dhromos tsi Ocenas os osimero en xomatodhromo. Polla xrone en nto dhulevune so dhromo ya n'eftena asfalti ama akome uce cirothe, uce teliose(pitepse). Exune ce provlima i yineci nto zune (yasayevune) so xorio to shimo ce to kalokeri(to yazu). To provlimatuna en oti ta dhuliyasatuna eftene me to sheri ce ta ghomare fortuntane me tin rasha. Epidhi(cunki) to xorio en polla dhizvato (tiki) ce s'ulla ta mereas tu xoriu aftokinito(arabas) u pai. Asa polla makra, ap'apes as'oros pane koftune xortare ce ksila ce kovalunata so spiti. Ya t'ato ulla ta patsidhe tu xoriu thelun n'eghvenun aso xorio ce na pane sin poli(so sehiri). Epori na exume c'ala provlimata (pobleme) ama so num ya to xar atoson erthane. An ine c'ala povlimata nt'enespala ghrapsite ta so forumi tu site.