I Ocena en xtizmeno, sa rashia apes tsi Mavri thalasas ce asi thalasa en anu katu 40 km. Ya na pay kaynis sin Ocena, olon empro asin Trapezunta na pay sin Ofi ce asin Ofi n'empen apes. Aso potami ts'Ofis c' an na pay 27.km os to Katoxori. Istaro aso Katoxori pal, aso potami c' an n'eghven os to dixali t'eftei to potami tu Saraxo ce ts'Ocenas. Aso dhixali n'eper to potami to pay sin Ocena merea ce anu katu sa 5-6 km na ftan sin Ocena.
I Ocena en ena trano xorio, me pollus sinikismus(maxalledhes). Olon empro erte tu Pankal. Su Pankal eperan en tu Tsukala ce to Voy t'ormi. Su Pankal epan sa rashiya mer en to Streni. Asu Pankal ce ahen egvenune so Xorio. So Xorio epuka en to Zezanto. Eperan en tu Karaver. Aso Xorio c' ahen erte t'Ahen to Xorio.
Sin Ocena konta en manaxo enan xorio, c'ecino pla en t'Alithinu. T'ala ta xoriya ine eligo makra asin Ocena. Istaro as' Alithinu, olon to kontinotero xoriyo en tu Saraxo. Ula ta xoriya exoriguntane me trano oros. Oluyo oros devenis ya na pas s'ecina ta xoria. |
