|
Nt'uc emathame asi paleusmuna?
Olon emro eporum ce legume oti emathame ta Romeika. Tin glossa
nto sintishenume osimero. Emathame ce aletera polla. Emathame
tragodias, emathame n'efteme sevdaluxe athigo seksi. Ematham
n'egvenum sin ksenitiya (gurbeti), ematham nto na forume ce
puceka na sintishenume ce puceka uce na sintishenume. Ematham
tinos sheri na pame na filume ce me asina na krifkumest.
Emathame laga n'efteme ta dulias. Ematham laga na xorevum.
Ematham laga na gilevum laga n'akugume tsi tranus ce ton xoce.
Ematham laga na raftum ce laga na kumpezum. Ematham laga
n'almegum ta za ce laga na kovalume kopre so kopronari.
Ematham laga na koftum ta trana ta dentra ce eftemata ksila ce
kovalumata me tin rashamuna s'ospiti. Ematham laga na
porpatume sa dizvata (sa tike) ta drome.Ematham na karezume sa
dentra ce sorevume apide, mila, kocimpela. Ematham laga na
surume patsi, Ematham poso basluzi na digume ya t'enan patsi.
Ematham na inecizume ce antrizume mikri. Ematham na xtizume ce
xalanume. Ematham laga na stegazume ta draniya, laga n'efteme
ta shkifiya. Ematham laga n'efteme ta druvane ce ta varele.
Ematham laga n'alethume ta tsupadokoce. Ematham laga
n'eskonume ce kaxizume tsi xameletas to kapani. Ematham laga
n'anizume to xargi ya na digum to nero so ceyiri. Ematham laga
na koftum t'oros ce anizume aposkali. Ematham laga na tavizume
sa sinore epan ya t'enan pithami (karisi) xoma. Ematham na
shkizum ksila ce n'aftum ton pesko. Ematham laga na porpatume
so shoni epances. Ematham na pezume shonokunte. Ematham na
pezume kriftarea, nalbiri, metakoshkino ce polla aytika.
Ematham na pezume ta karakoncila. Ematham n'egvenume son
parxari ce kativenume. Ematham n'akonume tin kerenti, to
drepanti. Ematham na sperum ce therizume. EMATHAM NA TROGUME
CE PINUME. Nt'uc ematham asi tranusmuna...
Ada epuka gale gale na grafume
ata nto idame asi tranus muna. |
