T'emetero ti glossa emis
onemazum Romayika. Sin
Ellada (so Yunanistani) leguna
Pontiaka. T'emetero i glossa ce i glossa nto
sintishenun sin Ellada ine ena glossa ce ta dio pal ine
Ellinika (Helence). I glossa
nto exume, epomine mas asa Ellinistika (Helenistik) xrone ce
emis pa os osimero sintishenuma. T'emetero i glossa olon polla
emnez sa Ellinika nte sintishenan sa xrone tu
Omiru (Homeros).
Osimero i glossamuna puthen ceka u mathizete. Sxolia (okule)
uc exume. Manaxo so xorio sintishenuma ama ta mikra ta
gardele, arnashepsan na sintishenun Turce ce ya t'ato
arnashepsen i glossamuna hale gale na xate. An ce porume ce
efteme tipo, s'eliga xrone na xate ce pay. Se masine ato nto
roiz en; na mathizume tin glossamuna osso eporume ta
gardelemuna. Ego asi glossamuna e sorepsa anu katu 6000
leksis (kelimedes) ce n'eftaga leksiko (sozluxi). Asa leksis
nte sorepsa, t'emisha e theka so site. Adha epuka eporite
n'elepite tsi leksis nto arnashevun aso A, B(V), ce G. |
